4 ЭЭЖ “АЛДАРТ ЭХ”-ИЙН ОДОНГОО ГАРДАН АВЛАА Монгол Улсын Ерөнхийлөгчийн зарлигаар олон хүүхэд төрүүлж, өсгөн хүмүүжүүлсэн ээжүүдэд "Алдарт эх"-ийн одон гардуулах ёслолын ажиллагаа өнөөдөр Дундговь аймагт боллоо. Алдарт эхийн одонгоор тус сумаас: 1-р багийн иргэн - Ш.Өлзийт, 2-р багийн иргэн - Т.Төр-Эрдэнэ, 4-р багийн иргэн - Д.Одгэрэл, 4-р багийн иргэн - Ц.Должин нар энгэрээ мялаалаа. Та бүхэнд халуун баяр хүргэе.

ТӨР-УЛААН ЗАГАЛМАЙН ХАМТЫН АЖИЛЛАГАА СУРГАЛТАД ХАМРАГДАЖ БАЙНА ✅Аймгийн ИТХ-ын дарга бөгөөд УЗХ-ны тэргүүн Ж.Мөнхчулууны санаачлагаар Монголын Улаан Загалмайн Нийгэмлэг, Засаг даргын дэмжлэгтэйгээр төр, улаан загалмайн хамтын ажиллагааг бэхжүүлэх зорилгоор " Төр-Улаан загалмайн хамтын ажиллагаа" сургалтыг МУЗН-ын Хүүхэд залуучуудын төвд зохион байгуулж байна. ✅Сургалтад Дундговь аймгийн УЗХ-ны удирдах зөвлөлийн гишүүд, сумдын ИТХ-ын ажлын алба, Сайнцагаан сумын багийн Засаг дарга нар, төрийн албан хаагчид, малчид, сайн дурын идэвхтэнүүд нийт 47 хүн оролцож, гамшгийн эрсдэлийг бууруулах, нийгмийн эмзэг бүлгийг дэмжих, хамтын ажиллагааг эрчимжүүлэх талаар мэдлэг, ойлголтоо дээшлүүлж байна. ✅Хүнлэг энэрэнгүй үйлсийг дэлхий дахинаа түгээх зорилготой Олон Улсын Улаан Загалмайн хөдөлгөөнийг Швейцарийн иргэн Анри Дюнан 1863 онд үүсгэн байгуулсан бөгөөд энэхүү түүхэн гавьяагаараа Нобелийн Энх тайвны шагнал хүртсэн юм. Монгол Улсад Улаан загалмайн үйл ажиллагаа 1939 онд “Монголын Улаан хэрээстийн эвлэл” нэртэйгээр эхэлжээ. Өнөөдөр “Улаан Загалмай Нийгэмлэг” нэрийн дор дэлхийн 191 орон гамшгийн менежмент, эрүүл мэнд, нийгмийн халамжийн чиглэлээр үр дүнтэй үйл ажиллагаа явуулж байна. МУЗН нь 👉Нийгмийн эрүүл мэндийг дэмжих 👉Гамшиг ослоос урьдчилан сэргийлэх, бэлэн байдлыг хангах, нөхөн сэргээх 👉Гамшигт байдлын үед хүмүүнлэгийн тусламж, нийгэм сэтгэл зүйн дэмжлэг үзүүлэх 👉Олон нийтийн оролцоонд түшиглэсэн халамжийн үйлчилгээг дэмжих 👉Хүүхэд, залуучуудын хүмүүнлэгийн хөдөлгөөнийг дэмжих 👉Хүмүүнлэгийн эрх зүйг сурталчлах чиглэлээр төрд дэмжлэг үзүүлэн, хамтран ажилладаг. Монголын улаан загалмай нийгэмлэг /Mongolian Red Cross Society/ Дундговь аймгийн Улаан загалмайн хорооны албан ёсны хуудас

"Нутаг усаараа бахархъя – Эрүүл агаар эм" явган аялалд идэвхтэй оролцсон та бүхэндээ чин сэтгэлийн талархал илэрхийлье! 🌿👣 Мөн хамтран зохион байгуулсан Дундговь аймаг Цагаандэлгэр сумын-Соёлын төв💃🎧🎸 Цагаандэлгэр Эрүүл Мэндийн Төв талархал илэрийлье Байгальтайгаа ойртож, нутгийнхаа үзэсгэлэнт байгальд хамтдаа алхаж, хөгжилтэй, эв нэгдлийг бэхжүүлсэн мөчүүд дурсамж дүүрэн байлаа. Хамтдаа инээж, өрсөлдөж, урам зоригтой оролцсон та бүхнээр бахархаж байна! 🏞️💪 Илүү олон хүн байгальтайгаа ойр, эрүүл амьдралын хэв маягийг эрхэмлэж, нутаг усаа хайрлах сэтгэлээр нэгдээсэй гэж хүсэж байна. 🏞️❤️ Хамтдаа алхсан зам бүрт, инээмсэглэл, дурсамж, эрч хүч үлдсэн шүү!

АЙМГИЙН ЗАСАГ ДАРГА С.МӨНХЧУЛУУН ЦАГААНДЭЛГЭР СУМАНД АЖИЛЛАЛАА. Алслагдсан сумдын иргэдэд төрийн үйлчилгээг ойртуулах, иргэд, төрийн албан хаагчдын санал хүсэлтийг сонсох, байгууллагуудын үйл ажиллагаатай танилцах зорилгоор аймгийн Засаг даргаар ахлуулсан ажлын хэсэг сумдад ажиллаж байна. Цагаандэлгэр сум аймгаас алслагдмал бөгөөд Говьсүмбэр аймагтай зарим сумд хил залгаа оршдог тул ойр аймаг руу шилжин суурьших иргэдийн тоо сүүлийн жилүүдэд өссөн үзүүлэлтэй байсан ч 2024 оны жилийн эцсийн байдлаар Цагаандэлгэр суманд шилжин ирэгсдийн тоо аймгийн хэмжээнд хамгийн өндөр буюу 30 иргэн тус суманд шилжин ирж ажиллаж амьдарч байна. Аймгийн Засаг даргын тус суманд зохион байгуулсан “Асуудал шийдэл” иргэдийн уулзалтын үеэр иргэдээс сумын хогны асуудлыг шийдвэрлэх, сургуулийн болон цэцэрлэгийн барилга шинээр барих, сургуулийн хүүхдүүдийн шүдний өвчлөл их байгаад анхаарч арга хэмжээ авах, сүү хөтөлбөрийн хэрэгжилтийн чанарыг сайжруулах, уул уурхайгаас нутаг оронд үлдэх эрсдэлийг тооцоолох, суманд мэргэжлийн индекс таарахгүйгээс шилжин ирсэн хүн ажилд орох боломжгүй байгааг холбогдох дээд байгууллагад уламжлах, яслийн бүлэгтэй болгох, сургуульд ашиглах ухаалаг дэлгэц, 10ш таблет шийдвэрлэж өгөх зэрэг санал хүсэлтүүдээ илэрхийллээ. Аймгийн Засаг дарга С.Мөнхчулуун аймгийн хэмжээнд хогны асуудлыг бүрэн шийдвэрлэх ажил үе шаттай явагдана, сургууль, цэцэрлэгийн барилга барих газрын асуудлаа сумын удирдлагууд ойрын хугацаанд яаралтай шийдвэрлэж, зураг төсвөө гаргуулан ирүүлэх ингэснээр ирэх оны улсын төсөвт суулгахад анхаарч ажиллахаа онцгойлон хэллээ. Мөн сүү хөтөлбөрийг хэрэгжүүлэхэд үйлдвэрийн бус малчдын ЖДҮ, хоршоог энэ чиглэлээр хөгжүүлж тэднээс ариутган савлаж, эрүүл ахуйн шаардлага хангасан цэвэр сүүг сургууль, цэцэрлэгт нийлүүлдэг болох тал дээр анхаарч ажиллахыг чиглэл болголоо. Хүүхдийн эрүүл мэндийг дэмжих, сурч хөгжих нөхцөлийг бүрдүүлэхэд анхаарч “Эрүүл Дундговь” аймгийн дэд хөтөлбөрийн хүрээнд Шүд хөтөлбөрийг хэрэгжүүлэх ажлыг ойрын хугацаанд зохион байгуулна гэдгийг хэлээд сургуулийн хүүхдүүдийн сургалтын үйл ажиллагаанд ашиглах виртуал дэлгэц, 10 ширхэг таблетыг “Оюунлаг Дундговь” хөтөлбөрөөс тус тус шийдвэрлэлээ.

АЙМГИЙН ТАХИЛГАТАЙ "БАЯН УУЛ" Дундговь аймгийн иргэдийн Төлөөлөгчдийн Хурлын Тэргүүлэгчдийн 2014 оны 12 дугаар сарын 18-ны өдрийн 275 дугаар тогтоолоор Цагаандэлгэр сумын иргэдийн санаачилгыг дэмжин эрт үеэс өнөөг хүртэл тахиж ирсэн уламжлалыг даган Цагаандэлгэр сумын нутагт орших "Баян уул"-ыг аймгийн тахилгатай уул болгож, жил бүрийн зуны эхэн сард багтаан тахиж байхаар баталсан байна.

“АХМАД АЖИЛТНЫ ЗӨВЛӨХ ҮЙЛЧИЛГЭЭ”, “АХМАДААСАА СУРАЛЦЪЯ” арга хэмжээ Удирдах болон гүйцэтгэх албан тушаалд ажиллаж байсан улс төрийн, төрийн захиргааны, төрийн үйлчилгээний ахмад албан хаагчдын дурсамж, сургамж, туршлага, ажлын арга барилыг залуу төрийн албан хаагчдад таниулах, харилцан яриа өрнүүлэх, тэднээс зөвлөгөө зөвлөмж авах зорилгоор “АХМАДААСАА СУРАЛЦЪЯ” арга хэмжээг ИТХ-тай хамтран зохион байгууллаа.

АРХИВ, АЛБАН ХЭРЭГ ХӨТЛӨЛТИЙН СТАНДАРТЫН СУРГАЛТ ЗОХИОН БАЙГУУЛЛАА. Аймгийн Засаг даргын Тамгын газрын Архивын тасагтай хамтран сумдын Иргэдийн Төлөөлөгчдийн Хурлын нарийн бичгийн дарга, мэргэжилтнүүдэд зориулсан архив, албан хэрэг хөтлөлтийн стандартын талаар сургалтыг 2025 оны 4 дүгээр сарын 7-ны өдөр амжилттай зохион байгууллаа. Сургалтын хүрээнд архив, албан хэрэг хөтлөлтийн хууль, журам, стандартыг танилцуулж, баримт бичгийн бүрдүүлэлт, хадгалалт, ангилал, цахим шилжилтийн нөхцөл дэх бичиг баримттай хэрхэн ажиллах талаар онол, арга зүйн мэдлэг олгож, албан хэрэг хөтлөлттэй холбоотой тодорхой асуултуудад мэргэжлийн хариулт авлаа. Түүнчлэн 2025 оноос эхлэн төрийн албан хэрэг хөтлөлтөд кирилл бичгийг монгол бичигтэй хослуулан хэрэглэх болсонтой холбоотойгоор монгол бичгийн хэрэглээ, баримт бичигт хэрхэн тусгах, стандартын дагуу бүрдүүлэх талаарх мэдээлэл нь сургалтын онцлох хэсэг байв.

АЙМГИЙН ИТХ-ЫН ЗБОНХХ-ЫН ДАРГА Ж.ТҮМЭНДЭЛГЭР, АЖЛЫН АЛБАНЫ АЖЛЫН ХЭСЭГ ЦАГААНДЭЛГЭР СУМАНД АЖИЛЛАЛАА ✍️Сумдын ИТХ-ын болон ГХУСАЗЗ-ийн үйл ажиллагаатай танилцаж, мэргэжил арга зүйн туслалцаа үзүүлэх зорилгоор аймгийн ИТХ-ын ажлын албанаас сумдад ажиллаж байна. ✍️Энэхүү ажлын хүрээнд 2025 оны 04 дүгээр сарын 01-ны өдөр Цагаандэлгэр суманд аймгийн ИТХ-ын ЗБОНХХ-ын дарга Ж.Түмэндэлгэр, ГХУСАЗСЗ-ийн нарийн бичгийн дарга, ГХУС ажил хариуцсан ажилтан Т.Ганбаяр, Аймгийн Цагдаагийн газрын хүүхдийн асуудал хариуцсан ахлах мэргэжилтэн, цагдаагийн хошууч Б.Доржготов нар ажиллаж байна. ✍️Цагаандэлгэр сумын ИТХ-ын дарга, Засаг дарга, ГХУСАЗЗ-ийн бүрэлдэхүүнтэй уулзаж, аймгийн ИТХ-ын үйл ажиллагааны хийсэн ажлаа танилцуулж, сумын ИТХ-ын хийсэн ажилтай танилцаж, арга зүйн зөвлөгөө өгч ажиллаж байна. ИТХ-ын баримт бичигтэй танилцаж зөвлөмж өглөө

Иргэдийн Төлөөлөгчдийн Хурлын хяналтын зөвлөлийн хурал

“ХҮҮХЭД-ЭРХЭМ ХЭРЭГЛЭГЧ” ҮНДЭСНИЙ ӨДРИЙГ ТЭМДЭГЛЭН ӨНГӨРҮҮЛЖ БАЙНА. Жил бүрийн 3 сарын 15-ны өдрийг "Хэрэглэгчийн эрхийг хамгаалах” олон улсын өдөр болгон тэмдэглэн өнгөрүүлдэг. Манай улсын хувьд 2018 оноос “ХҮҮХЭД-ЭРХЭМ ХЭРЭГЛЭГЧ” уриан дор тэмдэглэн өнгөрүүлдэг болсон. Хүүхэд, гэр бүлийн хөгжил, хамгааллын газраас энэхүү өдрийг“ESCAPE THE VAPE – ТАМХИНААС ЗУГТ” уриалга гарган ажиллаж байна. Уриалгад Цагаандэлгэр сумын ЗДТГ-ын Удирдлагууд , Сургууль цэцэрлэг, Соёлын төв, албан хаагч, Үйлчилгээний албаны хамт олон нэгдэж байна. Электрон тамхины шингэний найрлагад өсвөр насны хүүхдүүдийн тархины хөгжилд муугаар нөлөөлөх, донтуулах үйлчилгээтэй никотин хавдар үүсгэгч химийн нэгдэл, уушгины өвчин үүсгэгч химийн нэгдэл, хүнд металлууд бүхий никель, цагаан тугалга, хар тугалга гэх мэт хорт бодисууд агуулагддаг. Тиймээс 21 нас хүрээгүй хүнд электрон тамхи болон түүний дагалдах хэрэгслийг худалдаалахгүй байх, мөн сургууль цэцэрлэг орчмын бүсэд үйл ажиллагаа явуулж буй аж ахуйн нэгжүүд та бүхэнд электрон тамхи болон түүний дагалдах хэрэгслийг худалдаалахгүй байхыг #уриалж байна. #хүүхэд_эрхэм_хэрэглэгч #хүүхдээ_анзаар #электрон_тамхи_анхаар #мансууруулах_бодис_зугт #no_vape #vape_free_school ДУНДГОВЬ АЙМГИЙН ХҮҮХЭД, ГЭР БҮЛИЙН ХӨГЖИЛ, ХАМГААЛЛЫН ГАЗАР

Сумын ИТХ-ын ээлжит дөрөвдүгээр хуралдаан (2025.02.05) 100 хувийн ирцтэйгээр хуралдлаа. Хуралдааны дотоод журам хэлэлцэх асуудлын дарааллыг танилцуулан хуралдаанд оролцсон төлөөлөгчдийн 100 хувийн саналаар баталлаа. ✍🏻Хуралдаанаар сумын Засаг даргын 2024-2028 оны үйл ажиллагааны хөтөлбөр ✍🏻Мал хамгаалах сан, Байгаль хамгаалах сангуудын тайлан ✍🏻 Түүхт 100 жилийн ойн баяр наадмын тайлан ✍🏻2025 оны шимэгчтэх өвчнөөс эмчлэн сэргийлэх арга хэмжээний төлөвлөгөө ✍🏻Соёлын төвийн “Орон нутаг судлах танхим”-ийн үзмэрт үнэлгээ тогтоосон тухай ✍🏻Газар зохион байгуулалт сумын тэг гортиг батлуулах зэрэг нийт 6 асуудлыг хэлэлцлээ.

🇲🇳 Сумын Засаг даргын 2024-2028 оны үйл ажиллагааны хөтөлбөрийг иргэдийн Төлөөлөгчдийн Хуралд өргөн барилаа. 1. Иргэдийн Төлөөлөгчдийн Хурлын ажлын албанаас Засаг даргын үйл ажиллагааны хөтөлбөрийн төслийг зөвлөлийн хурлаар хэлэлцүүлж, хөтөлбөрийг дахин боловсруулах үүрэг чиглэл сумын Засаг даргад өгч ажилласан. 2025 оны 02 сарын 03-ны өдөр үйл ажиллагааны хөтөлбөрийг дахин нутгийн удирдлага, нийгмийн бодлого, хүний хөгжлийн хороогоор хэлэлцүүлж сумын Засаг даргын үйл ажиллагааны хөтөлбөрийг ээлжит дөрөвдүгээр хуралдаанд хэлэлцүүлэх нь зүйтэй гэсэн санал дүгнэлт гаргалаа. 2. ✍️ ИТХ-ын хороо нь Хурлын тасралтгүй, байнгын үйл ажиллагааг хангаж, Хурлын хуралдаанаар хэлэлцэх асуудлыг урьдчилан бэлтгэж, санал дүгнэлт гаргах, Хурлын тогтоол, шийдвэрийн биелэлтийг хянан шалгах чиг үүргийг хэрэгжүүлэн ажиллана.

4 БАГИЙН ИРГЭДИЙН НИЙТИЙН ХУРАЛ АМЖИЛТТАЙ ЗОХИОН БАЙГУУЛАГДАЖ, БАГИЙН ИРГЭДИЙН НИЙТИЙН ХУРЛЫН ДАРГА, БАГИЙН ДАРГА НАР СОНГОГДЛОО.

Сумын Улаан Загалмай анхан шатны хороо 2025 оны 01 сарын 10-ны өдөр хуралдаж. Дараах асуудлуудыг хэлэлцлээ. Үүнд: 1. Удирдах зөвлөлийн бүрэлдэхүүнийг сонгох тухай 2. Анхан шатны хорооны нарийн бичгийн даргыг сонгож, дунд шатны хороонд уламжлах тухай 3. Сумын Улаан Загалмай нийгэмлэгийн анхан шатны хорооны 2025 оны төлөвлөгөөг хэлэлцлээ. Удирдах зөвлөлийн бүрэлдэхүүнд: 1. З.Алтанхуяг ИТХ-ын дарга 2. Ч. Бямбасүрэн ИТХ-ын нарийн бичгийн дарга 3. Б.Нанжид ЭМТ-ийн дарга 4. Т. Цэнд-Аюуш ХЭХАХмэргэжилтэн 5. ЗДТГ-ын нийгмийн бодлогын мэргэжилтэн 6. Ю.Цэнгэлмаа Онцгой хандивлагч 7. Д.Одбаяр Онцгой хандивлагч

🇲🇳 Сумын иргэдийн Төлөөлөгчдийн Хурлын ээлжит гуравдугаар хуралдаан 2024 оны 12 дугаар сарын 26-ны өдрийн 09 цагт 93.3 хувийн ирцтэйгээр 11 асуудлыг хэлэлцэж, 2 тайлан мэдээллийг сонслоо. Үүнд: 📌📜 1. Цагаандэлгэр сумын 2025 оны төсөв батлах тухай. 📌 2. Хоршоо хөгжүүлэх сангаас зээл олгох, төсөл сонгон шалгаруулах хорооны 2024 оны тайлан. 📌 3. Зээл сонгон шалгаруулах тов тогтоох тухай. 📌 4. Зээл сонгон шалгаруулах бүрэлдэхүүнийг шинэчлэн томилох тухай. 📌 5. Зээлийн эргэн төлөлтөд хяналт тавих бүрэлдэхүүнийг шинэчлэн томилох тухай. 📌 6. Мал хамгаалах сангийн тайлан. 📌 7. Байгаль хамгаалах сангийн тайлан. 📌8. ОНХС-ийн тайлан. 📌9. Сумын 100 жилийн хандивын орлого, зарцуулалтын тайлан. 📌 10. Орон нутгийн өмчийг дансанд бүртгэх, данснаас хасах тухай. 📌 11. Цагаандэлгэр сумын газар зохион байгуулалтын төлөвлөгөөний хэрэгжилт, 2025 оны газар зохион байгуулалтын төлөвлөгөө батлах тухай. 📒 2024 оны Сумын татварын орлогын биелэлтийн танилцуулга 📒 Хөдөлмөр эрхлэлт, халамжийн мэргэжилтний 2024 оны ажлын тайлан. 📒 Хөдөө аж ахуй болон, 2025 сумын мал тэжээвэр амьтан, хүн амын тооллогын танилцуулга. Цагаандэлгэр сумын нийт төсөв нь 2024 онд 1,689,011.8 мянган төгрөг батлагдаж үүнээс ОНХС 551,095.4 мянган төгрөг, 13 ажил арга хэмжээ хийгдэхээр батлагдсан бол 2025 онд сумын нийт төсөв 2,353,029.7 мянган төгрөг үүнээс ОНХС 883,720.5 төгрөг 31 ажил арга хэмжээ хийхээр батлагдсан байна. 👨‍👩‍👧 Сумын нийт хүн амын тоо-1013 🐎🐂🐑🐐🐪 нийт малын тоо- 113145 тоологдсон байна.

🇲🇳🇲🇳🇲🇳 Сумын ИТХ-ын ээлжит бус хоёрдугаар хуралдаан 2024 оны 12 дугаар сарын 23-ны өдрийн 10 цагт 100 хувийн ирцтэй хуралдсан. Хурлаар дараах асуудлуудыг хэлэлцэн шийдвэрлэлээ.Үүнд: 1. ✍️ Сумын ИТХ-ын хороодын ажиллах журам, бүрэлдэхүүнийг шинэчлэн батлах тухай 2. ✍️ Сумын ИТХ-ын хуралдааны дэг батлах тухай 3. ✍️ Иргэдийн Төлөөлөгчдийн Хурлын дотоод журмыг шинэчлэн батлах тухай 4.✍️ Иргэдийн Төлөөлөгчдийн Хурлын Төлөөлөгчдийн ёс зүйн дүрэм батлаж, ёс зүйн хорооны бүрэлдэхүүнийг шинэчлэн томилох тухай 5. ✍️ Сумын ГХУСАЗСЗ-ийн бүрэлдэхүүнийг шинэчлэн батлах тухай

СУМЫН ИРГЭДИЙН ТӨЛӨӨЛӨГЧДИЙН ХУРЛЫН АНХДУГААР ХУРАЛДААН ХУРАЛДЛАА. 🇲🇳 2024 оны 11 дүгээр сарын 01-ний өдөр сумын ИТХ-ын анхдугаар хуралдаан Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн 46 дугаар зүйлийн 46.5 дахь хэсгийн дагуу Анхдугаар хуралдаанд хүрэлцэн ирсэн насаар хамгийн ахмад төлөөлөгч Д.Мягмардорж даргалан зохион байгууллаа. ХУРАЛДААНААР ДАРААХ АСУУДЛУУДЫГ ХЭЛЭЛЦЭН ШИЙДВЭРЛЭЛЭЭ. Үүнд: 1. Сумын ИТХ-ын төлөөлөгчийн бүрэн эрхийн тухай / Аймаг,нийслэл, сум, дүүргийн иргэдийн Төлөөлөгчдийн Хурлын 2024 оны ээлжит сонгууль зохион байгуулсан тухай сумын сонгуулийн хорооны мэдээлэл, төлөөлөгчөөр сонгогдсонд тооцох тухай тогтоол танилцуулах/ 2. Сумын ИТХ-ын төлөөлөгчдийн бүрэн эрхийг зөвшөөрөх тухай 3. Санал тоолох тооллогын комисс байгуулж томилох тухай 4. Сумын иргэдийн Төлөөлөгчдийн Хурлын анхдугаар хуралдааны дэгийг хэлэлцэж батлах 5. Сумын иргэдийн Төлөөлөгчдийн Хурлын даргыг сонгох 6. Төлөөлөгчдөд энгэрийн тэмдэг, үнэмлэх гардуулна. 7. Сумын Засаг даргад нэр дэвшүүлэх, томилуулахаар аймгийн Засаг даргад уламжлах тухай 8. Сумын иргэдийн Төлөөлөгчдийн Хурлын Зөвлөлийг сонгох тухай 🇲🇳 Сумын иргэдийн Төлөөлөгчдийн Хурлын даргаар Зоригтбаатарын Алтанхуягыг нийт төлөөлөгчдийн 100 хувийн саналаар сонгож томилов. 🇲🇳 Сумын Засаг даргаар Төмөрсүхийн Хишигнямыг төлөөлөгчдийн 100 хувийн саналаар дэмжиж, аймгийн Засаг даргад уламжлахаар шийдвэрлэлээ.

Говийн бүрд 2024 шатрын тэмцээнд 4 сурагч оролцсоноос Өлзийбатын Саруулчимэг мөнгөн медаль авч, Түвшинтөрийн Мөнх-Өлзий 5-р эзэлж амжилт дүүрэн оролцлоо. Оролцсон бүх хүүхдүүдээ цаашдынх нь тэмцээнд улам их амжилт гаргахыг хүсье. Шатрын тэмцээнд бэлтгэж удирдан дасгалжуулсан багш У.Мөнх-Эрдэнэ багшдаа баяралалаа.

"Байгалиа хамгаалъя" нэгдсэн арга хэмжээний хүрээнд хийгдсэн ажил

Манай сум 2023 оны жилийн эцэст 138745 толгой мал тоолууллаа. Энэ нь өмнөх онтой харьцуулахад 1,7 мянган толгойгоор буурсан үзүүлэлттэй байна. Төрлөөр нь авч үзвэл адуу, үхэр өссөн бол тэмээ, хонь, ямааны тоо буурсан. Малчин өрх 260, мал бүхий өрх 50. Нийт мал сүрэг: • Тэмээ 635 • Адуу 9666 • Үхэр 3965 • Хонь 72585 • Ямаа 51894. Аймгийн хэмжээнд хамгийн олон малтай 5 сум: • Эрдэнэдалай 525.6 мянга • Сайнцагаан 376.2 мянга • Өлзийт 305.5 мянга • Адаацаг 295.5 мянга • Хулд 269.5 мянган толгой мал тус тус тоолуулжээ.